Спасовски да си даде оставка, тој или е неспособен да ги фати крадците на маслото од марихуана или е дел од криминалот. 4 ден како Спасовски молчи, и ни траг ни глас од кражбата во висина од над 2 милиони евра, во масло од канабис. Кражбата е извршена во објект во кој има десетици камери, а Спасовски уште не знае кој и каде е крадецот, стои во соопштението на ВМРО-ДПМНЕ.
Од партијата велат дека објектот го обезбедувала приватна агенција за обезбедување со седиште во Струмица, а ниту тие не знаат кој ги заобиколил и ја ограбил фабриката.
– 4 дена нема реакција од МВР, период доволен за маслото од марихуана одамна да биде изнесено од државата и продадено на црн пазар во странство, а некој дебело да профитира. Спасовски или е целосно неспособен и не знае што му се случува или е дел од криминалот. И во едниот и во другиот случај одговорот е еден. Оставка веднаш, се додава во партиското соопштение.