На државјаните на Русија, Белорусија и Турција од 1 ноември 2026 година ќе им биде потребна виза за влез, транзит и престој во Црна Гора. Црногорската влада ги раскинува договорите за безвизен режим со овие три земји поради обврската целосно да ја усогласи својата визна политика со онаа на Европската Унија.
Владата вчера ја усвои информацијата за раскинување на договорите. Притоа е утврдена и потребата да се иницира склучување нов договор со Турција, кој би се однесувал на носителите на дипломатски, службени и специјални пасоши.
Локалните медиуми потсетуваат дека законската рамка за промената била утврдена на 23 јули годинава, кога Владата ја донела Уредбата за измени и дополнувања на Уредбата за визниот режим. Со неа е предвидено обврската за поседување виза за државјаните на трите земји да почне да се применува од 1 ноември.