На „Сантијаго Бернабеу“ полудеа, откако Реал загуби во градското дерби од Атлетико (1:2) во седмото коло од Ла Лига. Го критикуваат судијата Ортиз Аријас за низа одлуки и го обвинуваат дека судел на шетата на клубот.
Клубот го објави ова во соопштение за медиумите, а тренерот Жозе Мурињо целиот прес го посвети за да го напаѓа судијата. Сепак, сето ова е ништо во споредба со она што го објави главната пропаганда и стратешка алатка на клубот, Реал Мадрид ТВ, по повод поразот во мадридското дерби.
„Денес нема наша стандардна анализа на натпреварот. По она што го видовме, нема смисла да се води каква било фудбалска дискусија. Сè што се случи нè тера да повраќаме. Не им е гајле за фактот што зад нивниот шеф Хавиер Тебас течат го.на низ из целата Ла Лига. За Реал важат различни стандарди. Не ни дозволуваат да се натпреваруваме. Тоа е планот на Ла Лига и Шпанската фудбалска асоцијација. Единственото нешто што недостасува е Ла Лига да им дозволи на противниците на Реал да си играат со пиштоли.“
Што е Реал Мадрид ТВ?
Во рамките на клубот, РМТВ има статус на главна алатка за пропаганда и стратешко управување, со која директно раководи претседателот на клубот, Флорентино Перез.
Иако формално функционира како клупска телевизија, нејзиното влијание и начин на работа далеку ги надминуваат стандардните медиумски канали на другите европски клубови. Статусот и улогата на РМТВ во и надвор од клубот може да се сумираат преку неколку клучни сегменти.
Во шпанските медиуми и фудбалските кругови, телевизијата се смета за продолжена рака на клупското раководство. Сите официјални наративи, реакции на клупските кризи и стратешки пораки (како што се застапување за Суперлигата или реагирање на институционалните притисоци) се пласираат директно преку РМТВ.
Најпрепознатливиот и најконтроверзен статусен симбол на РМТВ се посветените видео-аналитички извештаи за судиите пред натпреварите. Клубот ја користи телевизијата за да создаде агресивна нарација за „корумпиран систем“ и неправда насочена против Реал Мадрид.
По големите дербија, како што се Ел Класико или мадридското дерби, РМТВ редовно објавува извештаи во кои ја обвинува лигата за манипулирање со телевизиските снимки, нарекувајќи го натпреварувањето „циркус и фарса“.
Кога клубот доживува чувствителни моменти или контроверзии, РМТВ служи како платформа за контрола на штетите и испраќање официјални соопштенија. Преку него, клубот јавно се осврнува на ситуации што ги опишува како „политички, медиумски и социјални кампањи против Реал Мадрид“, што ѝ дава на телевизијата улога на официјален институционален штит, а не само спортски медиум.