Машко шестмесечно бебе беше спасено од урнатините на зграда во Кали во Колумбија,  благодарение на глас од урнатините, додека друга млада жена беше спасена во Переира, 36 часа по силниот земјотрес.

Бебето беше спасено во Кали благодарение на Брајан Осорио Зулуага, кој по земјотресот застана пред урнатата петкатница на пат кон дома и почна да вика за преживеани, и покрај предупредувањата за можно истекување на гас, објавува CNN.

Како одговор на неговите повици, од урнатините дојде слаб звук на машки глас, кој укажуваше на тоа дека бебе е со него.

 

Осорио и неколку други мажи кои беа присутни на местото на настанот почнаа да ги поместуваат големите бетонски плочи од урнатата зграда, а откако беше расчистен патот до бебето, кое го држеше мажот, волонтерите држеа бетонска плоча во воздух за да можат да бидат спасени.

„Ја видовме главата на бебето, која во тој момент изгледаше некако виолетова бидејќи не можеше да дише. Кога почнавме да ги отстрануваме остатоците, бебето дишеше и неговата боја почна да се враќа“, рече Осорио.

Во меѓувреме, Даниела Ларгос Санчез (32) беше спасена д жива од под урнатините во Переира, по операцијата што траеше околу 36 часа од земјотресот со јачина од 7,4 степени што ја погоди Колумбија во понеделник, 10 август, објавува весникот „Колумбијано“.

 

Повеќе од 250 луѓе загинаа во катастрофалниот земјотрес со јачина од 7,4 степени што ја погоди Колумбија во понеделник.

Повеќе од 700 од нив беа повредени, а околу 200 луѓе се водат како исчезнати.