Шкендија и Силекс вечерва се среќаваат во големото финале од Купот на Македонија, а самиот почеток на натпреварот го одбележа непријатна атмосфера на трибините. Пред стартот на средбата, традиционално беше интонирана македонската химна, но дел од навивачите на тетовскиот клуб реагираа со свирежи. Реакцијата предизвика тензии и негодување меѓу присутните на стадионот во Скопје.
И покрај контроверзниот вовед, натпреварот продолжи според предвиденото. Засега нема официјални реакции од организаторите или надлежните институции. Останува да се види дали по натпреварот ќе следуваат дополнителни мерки или осуди за случувањата од трибините.