Врнежи од снег на планините и на некои пониски места, најавуваат метеролозите од сабота до понеделник.
Од УХМР информираат дека под влијание на влажен бран, од сабота до понеделник ќе преовладува облачно време со врнежи од дожд, а на планините од снег. Повремено врнежите ќе преминуваат во снег и во некои од пониските места.
Пообилни врнежи ќе има во недела попладне и во текот на ноќта кон понеделник кои локално ќе бидат 30 л/м2.
На планините ќе се формира нова снежна покривка. Ќе дува умерен, повремено засилен ветер од југоисточен правец, кој во недела во текот на денот ќе го промени правецот во северен.
Утринските температури утре ќе се движат од минус шест до два степени, во сабота од минус три до три, недела од нула до шест, понеделник од минус 1 до пет, вторник од минус четири до два и среда ќе биде секаде под нула од минус шест до минус еден. Дневните ќе бидат меѓу два и 13 степени.