Суданските паравоени сили утрово ја гранатираа болницата во центарот на Картум при што загинало 6 годишно дете објави армијата на Судан. Болницата е на неколку метри оддалечена од штабот на армијата, а според медицинските лица во неа се лекуваат голем број ранети војници од судирите со членовите од парамилитарните сили за брзо распоредување.
Завојуваните страни користат тенкови, артилерија и друг вид тешко вооружување во густо населените населби во суданската престолнина..
Вистината е дека во моментов е речиси невозможно да се обезбедат какви било хуманитарни услуги во и околу Картум. Има повици од различни организации и луѓе заробени кои бараат евакуација. Изминативе четири дена луѓето се без вода, храна, струја е рационализирана, на места тотално исклучена, претставник на Црвениот крст
Било пукано и врз американски дипломатски конвој а бил нападнат и амбасадорот на ЕУ во Судан во неговата резиденција во Картум. ЕУ соопшти дека амбасадорот не е повреден но не сподели детали за нападот. Нема повредени и при нападот на американскиот дипломатски конвој објави Стејт департментот.
-Сите наши луѓе се безбедни и неповредени. Утрово ги повикав генералите Бурхан и Хемедти, барајќи од нив да се согласат на 24 часовен прекин на огнот за да им се овозможи на Суданците безбедно да се обединат со своите семејства и да ги добијат очајно потребните средства за помош. изјави Ентони Блинкен, државен секретар на САД.
Во мегувреме Водачите на спротиставените страни, суданскиот воен водач Абдел Фатах ал – Бурхан и паравоениот генерал Мохамед Дагало познат како Хемедти се согласија на 24 часовен пркеин на огнот кој ке почне вечерва. Борбите за превласт ги почнаа во саботата и во нив досега загинале најмалку 180 лица .Бурхан и Хемедти се поранешни созјуници кои заеднички го спроведоа воениот удар во октовмри 21 тата година, кога ја презедоа власта.
Европскиот парламент во Стразбур, без гласање ја одобри одлуката за визна либерализација за граганите на Косово. Новите правила ќе им овозможат на граѓаните на Косово да патуваат и да престојуваат во Европската унија до 90 дена во кој било период од шест месеци а треба да стапат во сила од 2024 година. По усвојување во ЕП, визната либерализација треба да биде потпишана и објавена во службениот весник на ЕУ.
Рускиот претседател Владимир Путин вчера ги посети главните штабови на руските трупи во окупираните делови на укрианските региони Херсон и Луганск објави прес службата на Кремљ. Со воените команданти раговорал за ситацијата во Херсон и Луганск а на војниците им подарил копија од иконата Спасител без раце наведе прес службата на Кремљ.. Во мегувреме, генералштабот на вооружените сили на Украина обајви дека руските сили ги засилиле артилериските и воздушните врз градот Бахмут во источниот регион Доњецк. Руските сили со месеци се обидуваат да го освојот Бахмут.