Битолчани на 4 ноември, кога градот го одбележува Денот на ослободувањето, ќе можат бесплатно да ги паркираат своите возила на сите јавни паркиралишта во Битола.
Од Јавното претпријатие за јавни паркиралишта (ЈППЈЛП) соопштија дека бесплатниот паркинг е нивниот подарок за граѓаните по повод општинскиот празник.
„Роденденската честитка оваа година ќе ја заокружиме со еден скромен роденденски подарок упатен кон Вас“, се наведува во известувањето на јавното претпријатие.
Од управата на јавното комунално претпријатие официјално потврдија дека поволноста ќе опфати целосно ослободување од давачките за сите обележани градски зони во текот на целиот празничен ден.
„Годинава од името на ЈППЈЛП роденденската честитка е надополнета со бесплатен паркинг на сите јавни паркиралишта во градот на 4 ноември“, соопшти претпријатието.
Вработените во претпријатието упатија честитки до битолчани, посакувајќи градот непрекинато да се модернизира и просторно да се развива во современа средина.
„Нашиот град со богатата историја, градска култура и плејадата на извонредни личности не заслужува ништо помалку“, се наведува во празничната честитка.
Од претпријатието апелираа возачите да се однесуваат сообраќајно културно и со своето паркирање да не предизвикуваат застои во движењето низ централните градски улици.
„Ве молиме паркирајте одговорно за да може сите граѓани да ги завршат секојдневните работни обврски“, порачаа од ЈППЈЛП.
Во меѓувреме, Секторот за внатрешни работи Битола најави дека во претстојниот период ќе спроведува засилени активности за отстранување на сите неправилно паркирани моторни возила, во соработка со Општина Битола и со јавното претпријатие за паркинзи.
„Во рамки на активностите, во функција ќе биде ставена пајак-службата, која ќе врши отстранување на паркирани возила спротивно на сообраќајните правила и прописи, возила оставени на зелени јавни површини, хаварисани и нерегистрирани возила, како и предмети од јавни површини“, соопшти СВР Битола.
Идентична најава за активностите на специјалната пајак-служба беше претходно објавена и од страна на јавното паркинг претпријатие.