Лидерот на ВМРО-ДПМНЕ и мандатар за состав на новата влада, Христијан Мицкоски, изјави дека официјалниот состав на идната влада со министерските позиции и програмата за нејзината работа ќе бидат доставени во Собранието на 18-ти јуни.
Претходно, во недела, ќе се одржат седници на Извршниот и Централниот комитет на ВМРО-ДПМНЕ, каде Мицкоски ќе ги претстави кандидатите за министри со нивните биографии.
Што се однесува до кадровските решенија на коалиционите партнери на ВМРО-ДПМНЕ, Мицкоски рече дека не сака да зборува во нивно име и очекува тие самите да ги соопштат.
Идната влада ќе биде составена од коалицијата “Твоја Македонија” предводена од ВМРО-ДПМНЕ, коалицијата “Вреди” и Движењето ЗНАМ – За наша Македонија. Опозицијата во македонскиот парламент ќе биде коалицијата “Европски фронт”, предводена од СДСМ и Левица.
Мицкоски дополни дека второто ветување на неговата партија, помеѓу другото, вклучува и инвестиции во производство на електрична енергија од обновливи извори.