Компас медузите можат да предизвикаат изгореници, црвенило и оток на кожата
Капачите на западниот брег на Истра деновиве се соочуваат со голем број медузи во морето, поради што експертите апелираат на зголемена внимателност при престој во вода.
Според хрватските медиуми, во крајбрежните води е забележана масовна појава на компас медузи, вид препознатлив по долгите пипала и по клетките кои при допир предизвикуваат чувство на печење.
Контактот со овие медузи може да доведе до болни изгореници, црвенило и оток на кожата.
Експертите посочуваат дека главна причина за нивното зголемено присуство е невообичаено високата температура на морето.
Според сегашните проценки, бројот на медузите би требало постепено да се намалува во текот на следните две недели.