Министерството за внатрешни работи денеска соопшти дека уште една од најбараните административни услуги – уверение за жителство за моментална адреса на живеење, отсега е достапна и електронски преку националниот портал uslugi.gov.mk.
Граѓаните можат директно да пристапат до услугата на следниот линк:
👉 https://uslugi.gov.mk/service-details.nspx?serviceId=5737
Со оваа новина, МВР продолжува интензивно да ги дигитализира своите услуги, овозможувајќи побрз и поедноставен пристап за сите граѓани, без потреба од чекање на шалтери.
Во изминатите месеци, дигитализирани се и следните услуги:
Апликација за дозвола за оружје
Потврда за моментална сопственост за возила за физички лица
Потврда за поседување на моторни возила за одреден временски период за физички лица
Потврда за моментална сопственост на моторни возила за правни лица
Потврда за поседување на моторни возила за одреден временски период за правни лица
Министерството нагласува дека продолжува со максимално активирање на сите свои капацитети со цел проширување на палетата на дигитални услуги, кои веќе се користат секојдневно од страна на граѓаните.