Обвинителството ќе ја запре истражната постапка за Карадакоски поради неговата смрт во трагедијата во Кочани

Состанокот на ЈО започна со минута молк за жртвите

Александар Карадаковски, ја загуби битката со животот. Денеска бројот на загинати се искачи на 60 од трагичниот пожар во дискотеката „Пулс“ во Кочани. Денеска со минута молк во знак на почит кон жртвите започна состанокот на стручниот колегиум на Јавното обвинителство во проширен состав.

Министерот за здравство потврди дека има уште една жртва од трагедијата во Кочани

Презентација на досегашните истражни дејствија

Обвинителскиот тим од Основното јавно обвинителство Кочани, кој го води случајот за утврдување кривична одговорност за пожарот, го информираше колегиумот за досега преземените чекори, концептот на истражувањето и клучните стручни аспекти што ги земаат предвид.

 Поддршка за обвинителите и истрагата

Колегиумот изрази целосна поддршка за обвинителите кои паралелно водат и истражна и предистражна постапка. Беше нагласено дека сите расположливи капацитети на Јавното обвинителство се ставени на располагање за брзо и ефикасно завршување на истрагата.

Карадакоски повеќе не е предмет на истрага

Јавното обвинителство соопшти дека денешната 60-та жртва, која почина како резултат на повредите од пожарот, е лицето Карадакоски – управител на правното лице кое беше опфатено со наредбата за истражна постапка. Со оглед на неговата смрт, по прибавување на потребната документација, ОЈО Кочани ќе издаде наредба за запирање на истражната постапка против него.

Извор: Република