Утре Пендаровски ќе присуствува на централниот настан по повод 30-годишнината од независноста на Украина кој ќе се одржи на плоштадот на независноста во Киев, и на кој ќе се обрати претседателот Володимир Зеленски, по што ќе следи и празнична парада на вооружените сили на Украина.
– Во рамки на работната посета, претседателот Стево Пендаровски ќе оствари билатерална средба со претседателот на Украина, Володимир Зеленски, а на маргините на посетата, предвидена е и средба и со Шарл Мишел, Претседател на Европскиот Совет, информираат од Кабинетот на Пендаровски.
На прославата на 30-годишнината од независноста на Украина којашто се одржува под слоганот „Ти си моја единствена“ е предвидено присуство на повеќе од четириесетина делегации од земји и меѓународни организации.