Прво на албански, па на македонски јазик: Министерството за здравство на македонските граѓани им се обрати со соопштение

Министерството за здравство на Република Македонија своите објави до јавноста почна да ги објавува прво на албански јазик, па потоа на македонски.

На официјалниот Фејсбук профил на министерството е објавено соопштение со наслов „MSH asnjë qindarkë nuk ka paguar për ambulantët“, а дури потоа истото е преведено на македонски јазик, па ставен е наслов „МЗ нема исплатено ни денар за амбулантите“.

Министерството за здравство и министерот Фатмир Меџити треба да знаат дека на македонската јавност прво треба да ѝ се обратат на македонски јазик.

Ваков обид за објавување прво на албански јазик имаше и од страна на Беким Сали, кој праксата ја прекина по острите реакции од страна на јавноста.