Настанот ќе се одржи пред „Борис Трајковски“
Ракометната федерација на Македонија на 17 мај за првпат ќе го организира „Националниот ден на ракометот“, а центар на случувањата ќе биде платото пред Спортскиот центар „Борис Трајковски“ во Скопје.
Програмата почнува од 13 часот со фан-зона, во која се предвидени мини ракометен турнир, музичка програма, забава и подароци за посетителите.
Од РФМ најавуваат активности за сите генерации, со цел љубителите на ракометот да се соберат и да создадат атмосфера пред квалификацискиот натпревар на македонската репрезентација.
Македонија против Словачка во квалификациите за СП 2027
Главниот настан на денот ќе биде натпреварот меѓу Македонија и Словачка во квалификациите за Светското првенство 2027.
Средбата е закажана за 19 часот во арената „Борис Трајковски“, а од федерацијата очекуваат силна поддршка од трибините.
Билетите за натпреварот веќе се пуштени во продажба и можат да се набават онлајн преку платформите на MKTickets и Karti.com.mk.