Од опозицијата прашуваат – за каква масовна имунизација зборува Филипче кога вчера пристигнаа 10 илјади дози вакцини, а пријавени се повеќе од 160 илјади граѓани за вакцинација?
Додаваат дека само пиар-от и сликањето со вакцините не изостанаа. За Филипче е важен пиар-от, а не колку вакцини има.
– И не само што не набавува доволна количина на вакцини, Филипче дозволува да се кршат протоколите за лицата заразени од корона. Па така граѓаните ги затвора дома, ама кога станува збор за избрани функционери во конкретниов случај пратениците им дозволува да се шетаат и да го сеат вирусот, велат од ВМРО-ДПМНЕ.
И не само тоа, Филипче не ни изреагира, да каже барем дека се прекршени протоколите, па тоа се протоколи од надлежните власти со кои тој менаџира.
Ова велат, покажува дека личните и партиските интереси им се над се.
– За ова Филипче ќе одговара!, стои во соопштението на ВМРО-ДПМНЕ.