ВМРО-ДПМНЕ заедно со народот го прослави роденденот, додека СДС во затворен тесен круг со умислени елити

ВМРО-ДПМНЕ реагираше на соопштението на СДС, истакнувајќи дека разликата меѓу двете партии е „повеќе од јасна“.

Од партијата наведуваат дека ВМРО-ДПМНЕ својот 36-ти роденден го одбележала заедно со граѓаните, како партија која, според нив, се борела за независноста на државата, реализирала проекти од корист за граѓаните и ја претставува Македонија исправено и достоинствено пред светот.

„ВМРО-ДПМНЕ е партија на народот и заедно со граѓаните го одбележи 36-от роденден на партијата“, се наведува во реакцијата.

Од ВМРО-ДПМНЕ, пак, ја обвинуваат СДС дека е на маргините поради, како што велат, лошите политики и односот кон граѓаните. Според партијата, СДС својот роденден го прославила „во затворено, во дворот на Бихаќка“, во тесен партиски круг.

Во реакцијата се додава и дека од СДС, како што велат од ВМРО-ДПМНЕ, нема одговор за актуелните политички теми, туку партијата се крие зад соопштенија.

„Тоа е евидентната разлика меѓу ВМРО-ДПМНЕ и СДС. Ние сме заедно со народот, а тие бегаат од него“, порачуваат од ВМРО-ДПМНЕ.