Српскиот претседател Александар Вучиќ најави дека денеска, 27 септември, ќе поднесе оставка од функцијата. Тој претходно соопшти дека оставката ќе ја поднесе во вечерните часови, кога пред граѓаните ќе ги образложи причините за својата одлука. Најавата ја потврдија и српските медиуми, вклучувајќи ги РТС и „Политика“.
Во објава на својот профил на „Инстаграм“, Вучиќ напиша дека водењето на државата било најголемата чест за него и дека секојдневно се трудел да ја оправда довербата што ја добил.
„Да бидам претседател на Србија беше најголема чест за мене. Секој ден се обидував да дадам сѐ од себе, да ја оправдам довербата што ми е дадена и верно и лојално да ѝ служам на мојата земја. Да живее Србија“, објави Вучиќ.
На прашањето по што би сакал да остане запаметен по својата работа во Претседателството на Србија, тој одговори дека сака граѓаните да ги паметат неговата посветеност и трудољубивост.
„Ќе ги паметите овие години и овие денови како време на најголемиот напредок и најголемите успеси на Србија“, рече Вучиќ.
Српскиот претседател претходно најави дека оставката ќе ја поднесе во недела, 27 септември, навечер. Тој тогаш посочи дека граѓаните ќе можат да го слушнат и образложението за неговото повлекување од функцијата.