Фидоски избран за нов јавен обвинител на ОЈО Скопје
На денешната седница на Советот на јавни обвинители, обвинителот Анел Фидоски беше избран за јавен обвинител на Основното јавно обвинителство Скопје.
Конкуренција и резултати од гласањето
Покрај Фидоски, за функцијата конкурираа и досегашниот јавен обвинител Гаврил Бубевски, како и Тања Трајчевска, Дејан Петрески и Спасенка Андонова.
По спроведеното гласање, Фидоски доби најголема поддршка од членовите на Советот, со седум гласа „за“ и беше избран за нов шеф на ОЈО Скопје. Бубевски доби пет гласа „за“, Трајчевска и Андонова по еден глас „за“, додека Петрески не доби ниту еден глас „за“.
На истата седница, со 10 гласа „за“, Бесир Алиу беше избран за обвинител на Основното јавно обвинителство Тетово.
Извор: ТВ24