МВР СО ПРЕВЕНТИВНИ АКТИВНОСТИ: Апел до граѓаните за внимателност и пријавување пожари

Акции во Штип, Делчево и тетовскиот регион

Денеска (05.07.2026) полициски службеници од повеќе организациски единици спроведоа превентивни активности за заштита од пожари на подрачјата на Штип, Делчево, како и во селата Непроштено, Лешок, Теарце и Глоѓи во тетовскиот регион.

Од МВР информираат дека активностите биле реализирани од Отсекот за превенција при СВР Тетово, ПО Теарце, Отсекот за превенција при СВР Штип, ОВР Делчево и РЦГР Исток.

„На граѓаните им беше потенцирана потребата за внимателност при извршување на земјоделските работи, надополнето со континуирана соработка со надлежните институции и задолжително пријавување на несовесно однесување“, соопштија од МВР.

Забрана за движење во шуми и апел за пријавување пожари

Граѓаните биле информирани и за забраната за движење во шуми и шумски подрачја, која е во сила од 01.07 до 31.08.2026 година.

„Доколку забележат пожар, тоа веднаш треба да го пријават на телефонскиот број 112“, посочуваат од Министерството.

Во рамки на активностите бил поделен и печатен едукативен материјал, изработен во соработка со ЈП „Национални шуми“, со цел зголемување на свеста за превенција од шумски пожари.