Од Јавното обвинителство на  Македонија попладнево соопштија дека денеска до Бирото за јавни набавки и до Министерството за труд и социјална политика издадена е наредба за обезбедување на севкупната документација поврзана со изградбата на 19-те модуларни болници.

– Постапката е во насока на проверка на спроведувањето и реализацијата на јавните набавки за изградба на модуларните болници во државава. За таа цел, денеска до Бирото за јавни набавки и Министерството за труд и социјална политика е издадена Наредба за обезбедување на севкупната документација поврзана со изградбата на сите 19 модуларни болници. Прибраните материјални докази ќе бидат предмет на анализа во насока на утврдување дали документацијата за спроведената јавна набавка соодветствува со техничката документација за овие објекти, информираа попладнево од Јавното обвинителство.

Оттами додаваат дека Основното јавно обвинителство за гонење на организиран криминал и корупција ќе преземе и други дејствија за прибирање на докази со цел утврдување на фактичката состојба.